Nuk do ta besoni arsyen se pse klubi i Barcelonës nuk ka arritur ende të nxjerrë në shitje fanellën e Robert Lewandowskit. Fabrika e klubit katalanas ku prodhohen dhe stampohen veshtjet zyrtare të lojtarëve dhe stafit, e ka mbaruar shkronjën “W” që në rastin e bomberit polak shkruhet dy herë në fanellë.
Zbulimin e ka bërë një fans i Barcelonës që ka vizituar një dyqan dhe ka regjistruar bisedën me shitësin, i cili i ka konfirmuar se mungon shkronja “W”. Fansi katalanas e ka publikuar në internet bisedën me shitësin.
Edhe pse duket e pamundur për një klub gjigand si Barcelona, probleme të tilla teknike mund të pengojnë një proces shumë të rëndësishëm pasi klubi synon të arkëtojë një pjesë të 60 milionëve të shpenzuara për polakun, pikërisht prej shitjes së fanellave.
