Kryetari i Partisë Demokratike, Sali Berisha ka publikuar në faqen e tij në rrjetin social, pamjet kur si Kryeministër i Shqipërisë në vitin 2006, firmoste marrëveshjes së Stabilizim Asocimit me BE, dhe në delegacionin shqiptar ishin edhe përfaqësues të opozitës së kohës.
“Së bashku me opozitën në firmosjen e marrëveshjes së Stabilizim Asocimit me BE, në Luksemburg me dt. 12 qershor 2006, në kohën e pluralizmit të vërtetë politik!
Turpi i Edvin Kolekës dhe monizmit të tij!’, shkruan kryetari i PD-së, Sali Berisha.
Pamjet ceremonisë së 12 qershorit 2006, Berisha i ka publikuar si përgjigje ndaj Edi Ramës që shkoi në Bruksel, ditën e martë pa asnjë përfaqësues të opozitës, por duke marrë me vete vetëm ministrat dhe një ekip qeveritar.
Referuar pamjeve të publikuara, në rastin e marrëveshjes së Stabilizim Asociimit, pjesë e delegacionit zyrtar nga Shqipëria ishin edhe Pandeli Majko dhe Ilir Meta, të dy përfaqësues të opozitës, ndërsa në anëtarësimin e Shqipërisë në NATO, pjesë e delegacionit ishte deputeti i asaj kohe nga rradhët e socialistëve, Ylli Bufi.
