Zhuniorit i skadoi kontrata në verë dhe Partizani nuk arriti ta bindte të rinovonte. Largimi i tij shkaktoi probleme serioze në lojën e skuadrës dhe kjo u vu re qartë në dy ndeshjet me Saburtalon.
Të kuqtë nuk e kanë në organikë një lojtar që krijon aq volum, raste dhe që ndihmon aq shumë në mbrojtje. Jo vetëm kaq, por gjendja fizike e lojtarëve të transferuar në verë nuk ishte më e mira. Cvetanoski vinte nga një problem muskulor, Romero është tërësisht jashtë forme, ndërsa Telushit i duhet kohë për të ardhur në versionin origjinal.
Problemet e lartpërmendura, shto këtu edhe faktin që klubi vonoi procedurat e pajisjes me vizë për Matondon, padyshim kanë ndikuar në paraqitjen e Partizanit në Europë.
