Në Bruksel ka nisur pasditen e së martës, takimi i shqyrtimit analitik të legjislacionit (screening), pas Konferencës së Parë Ndërqeveritare Shqipëri – BE.
Gjatë fjalës së tij, kryenegociatori shqiptar Zef Mazi u shpreh se vendin e pret një proces i gjatë dhe i komplikuar në vijim.
Mazi theksoi se duke nisur nga sot premtimet e pambajtura i përkasin të shkuarës dhe se de jure tashmë ka nisur procesi i integrimit të Shqipërisë në Union.
“Proces i gjatë, i komplikuar, i vështirë, rruga para nesh do të jetë e tatëpjetë. Duhet të vijojmë të punojmë, të punojmë e punojmë. Potenciali i unionit për të ndihmuar në vazhdimin e projekteve evropiane është i madh…Në bazë të këtyre rrethanave, nga e sot e tutje për ne, premtimet e pambajtura tashmë i përkasin të kaluarës. Fakti de jure është që sot nis procesi i integrimit. Ne po ngremë tullën e parë të themelit, duke bërë hapin e parë që do të jetë një rrugë e gjatë… Ne duam që BE të jetë më e fortë dhe më e zhvilluar. Do të jetë një arritje e madhe kur të gjitha vendet e Ballkanit të jenë anëtare”, tha ai.
Komisioneri i Bashkimit Evropian, për Fqinjësinë dhe Zgjerimin, Oliver Várhelyi u shpreh se procesi i anëtarësimit do të shihet si një program ambicioz reformash. Sot merret hapi i parë, tha ai, i Shqipërisë dhe Maqedonisë së Veriut drejt rrugës për t’iu bashkuar Unionit.
“Do të ketë mundësi të reja për biznes. Procesi i anëtarësimit do të shihet edhe si një program ambicioz reformash.
Prandaj screening është i rëndësishëm. Po ndërmarrin sot hapin e parë që Shqipëria dhe RMV të jenë anëtare të BE. Ju uroj një punë të shpejtë dhe që mund të nisin me dhënien me raporteve të para të shqyrtimit në tremujorin e parë të vitit të ardhshëm.”nëtare dhe BE do të bëhet më e madhe në sferën global”, theksoi Varhelyi.
Ministrja e Jashtme, Olta Xhaçka, shpreh se Shqipëria ka punuar shumë për të arritur këtë moment historik.
“Jam shumë e lumtur që jam sot këtu me ju. Në këtë çështje besoj se flas në emër të shumicës dërrmuese të shqiptarëve. Ka qenë një sfidë e vërtetë. Dëshiroj të përgëzoj edhe miqtë tanë të Maqedonisë së Veriut. Ne e kemi nisur këtë rrugë së bashku.
Kemi punuar shumë për të arritur këtë moment historik. Anëtarësimi në BE ka qenë një nga objektivat e Shqipërisë që nga rrëzimi i regjimit. Ka qenë frymëzimi dhe motivimi për ndryshimin dramatik.
Ky proces transformimi me të vërtetë nuk ka lënë gurë pa lëvizur. Sa i përket përmbajtjes së procesit të shqyrtimit. Me Komisionin kemi zhvilluar një proces të gjatë. Diskutimi i kapitujve ka qenë në fokus.
Përpjekjet tona për të forcuar kapacitet administrative. Edhe pse e dimë që na pret një proces shumë kërkues, ne jemi gati, vendosmëria jonë është e palëkundur.
Në kontekstin e metodologjisë së re, kemi zbatuar një reformë të paprecedentë në drejtësi. Na mbetet shumë për të bërë, por hapja formale e negociatave gjeneron motivim dhe vendosmëri”, deklaroi ministrja.
