Oerd Bylykbashi, nënkryetar i Partisë Demokratike, u shpreh në emisionin Log. në Abcnews, se ka pazare mes kryeministrit Edi Rama dhe asaj pjesë të PD-së që mbështet Lulzim Bashën.
“Duhet patjetër të shihet si do të mbyllen interesat dhe pazaret, e kanë parë dhe të tjerë. Janë pazare të mbyllura që në verën e vjetshme. Në tetorin e vitit që shkoi e kam denoncuar këtë pazar”, tha Bylykbashi.
Sipas Bylykbashit, bëhet fjalë për një marrëveshje që është bërë që në vjeshtën e vitit që shkoi dhe tashmë thjesht po “shpaketohet” dhe po sillet në vëmendje pjesë-pjesë.
“Kësaj radhe, është marrëveshje e bërë më herët, e shpaketuar. E kanë të zorshme që t’i nxjerrin elementet menjëherë. Marrëveshja është për një sitëm zgjedhor proporcional dhe bonus për partinë më të madhe.”
Po ashtu, nënkryetari i PD-së paralajmëroi se pjesë e atyre që ai i cilësoi pazare do të bëhet edhe Avokati i ri i Popullit.
