Shumë klube të Serisë A kanë veshur fanella jeshile në sezonet e fundit. Një nga ngjyrat sociale të Sassuolo-s është jeshile, por ka edhe të zezë. Lazio përdori ngjyrën jeshile si fanellë e tretë.
Fanellat e Avellino janë vlerësuar gjithmonë për atë nuancë të ndritshme, por nga kampionati i ardhshëm i Serisë A nuk do të vishen më.
Lega A ka nxjerrë rregulloren për uniformat e sezonit 2021/22, e cila do të aplikohet në garat zyrtare të organizuara nga Lega.
Në nenin 2, i cili flet për ngjyrat që mund të përdorin skuadrat, në paragrafin 1 del një rregull i ri: nga sezoni 2022/23, ngjyra e gjelbër do të ndalohet në uniforma për lojtarët në lëvizje.
Rregulli ishte parashikuar në rregulloren e sezonit të kaluar, në mënyrë të tillë që t’u mundësonte klubeve të lëvizin në përputhje me rrethanat: puna për uniformat e sezonit të ardhshëm ka filluar që tani.
Arsyeja është e natyrës televizive: duhet të shmanget që ngjyra e uniformave të jetë shumë e ngjashme me atë të fushës, duke e bërë imazhin të bezdisshëm për syrin e shikuesit, siç raporton calcioefinanza.it.
Por vetëm një ekip i Serisë A do të ketë mundësinë të veshë një fanellë jeshile. Është Milan-i kampion i Italisë. Klubi kuqezi do të përdorë një ngjyrë të veçantë për fanellën e tretë 2022/23: jeshile ushtarake.
Shumë kanë pyetur veten nëse klubi rrezikon të mos e shohë të miratuar uniformën e re të lojës – e cila përfshin futje të zeza në mëngët dhe sponsorin Emirates në të verdhë fluoreshente -, por nuk do të jetë kështu.
Sipas asaj që është mësuar nga Calcio e Finanza, kjo ngjyrë e gjelbër nuk krijon asnjë problem dhe është në përputhje të përkryer me rregulloren.
Natyrisht, çështja u analizua me kohë, kur Milani kërkoi autorizimin nga Lega Serie A dhe dërgoi të gjitha specifikimet e fanellës së re, me vlerësimet pasuese. Një autorizim i ardhur tashmë që në vitin 2021.
