Kryetarja e LSI Monika Kryemadhi, në një invervistë për Zërin e Amerikës ka komentuar çështjen e amnistisë fiskale. Kryemadhi deklaroi se kemi të bëjmë me një amnisti kriminale e cila tjetërson paratë e krimit.
Sipas kryetares së LSI, kjo amnisti nuk do të shërbejë për diasporën por për grupet kriminale brenda dhe jashtë Shqipërisë.
“Dhe duke u kthyer për të larguar vëmendjen jo vetëm të opinionit publik por dhe të opinionit ndërkombëtar me aministi fiskale, e cila është një aministi kriminale, e cila tjetërson paratë e krimit, të drogës, pse jo dhe të terrorizmit apo dhe të trafiqeve të tjera për ta legalizuar në Shqipëri.
Unë nuk mendoj që amnistia fiskale që në ligjëratë të drejtë sipas kryeministrit shqiptar apo dhe avokatëve të tij do të shërbejë për diasporën. Unë nuk mendoj që ka ndonjë emigrant shqiptar që jeton në Amerikë dhe do të sjellë 2 milionë dollarë kesh në Tiranë apo jo.
Se nuk të lë njeri të dalësh nga kufijtë e amerikës më 2 milionë dollarë kesh, apo nga Gjermania apo nga Anglia. Mendoj që kjo është një manipulim jo vetëm i opinionit publik por dhe mund të shërbejë si një linjë e pastrimit të parave të shumë grupeve kriminale jashtë dhe brenda Shqipërisë.”-shprehet Kryemadhi.
