Deputetja Albana Vokshi ka dhënë një deklaratë për mediet nga oborri i Gjykatës në Tiranë pas seancës ku ajo përballet me ministren e arsimit.
Deputetja e PD u shpreh se Ministrja e Arsimit po përdor gjykatën për të mbyllur gojën për të mos bërë denoncime.
“Në këtë seancë vendosa të vij vetë, në respekt të investimit që po bën kjo gjykatë ndaj një procesi që nuk duhet të ishte hapur fare por që po përdoret nga ministrja Kushi për të na mbyllur gojën për të mos bërë denoncime. Gjithashtu dhe në respekt të avokatëve, të grevës së tyre kundër hartës së re gjyqësore. Meqenëse ishte seancë pajtuese ministrja Kushi tentoi që unë të tërhiqja deklaratat e mia por kjo nuk mund të ndodh. Si mundem unë të pajtohem me ministren Kushi kur ajo është përgjegjëse që ajo e ka degraduar sistemin arsimor në celulë të Partisë Socialiste. A mundem unë të pajtohem me Kushin dhe Ramën që mbajnë përgjegjësi që 208 mijë nxënës e student janë larguar nga sistemi arsimor në 8 vitet e fundit. Nëse qeveria është armik i të rinjve, i dijes, i arsimit cilësor ne si opozit do të vijojmë të jemi në krah të nxënësve, prindërve studentëve”, tha Vokshi.
