Socialistët nuk ndalen në elozhet dhe krahasimet që i bëjnë Edi Ramës. Duket sikur janë në një garë mes tyre se kush i thurr më shumë elozhe dhe cili gjen krahasimet më të bukura.
Rama është krahasuar me Skëndebeun, është cilësuar si lideri global, si “babai” që shpëtoi shqiptarët nga pandemia e tërmeti.
Sot Taulant Balla kishte vendosur ta krahasonte me Donald Trump.
“T’ju them të drejtën në Shqipëri ka liri mediash. Sepse fakti që kemi një diversitet kaq të madh nëse do t’i krahasonim sa outletesh mediatike kemi në Shqipëri në krahasim me vendet e tjera, kemi më shumë. Të gjitha këto rekomandime të shihen në kuadër më të gjerë dhe rajonal. Ka ndodhur nga koha kur Donald Trump i kërkonte heqjen e fjalës së një gazetari të CNN në konferencë për shtyp. Të gjithë biem dakord që SHBA janë modeli më i mirë i lirisë së medias dhe demokracisë”, tha Balla duke shfajësuar kështu Kryeministrin për dënimet që ka aplikuar për gazetarët, të cilët nuk i lejon të ndjekin konferencat e tij për mediat, kur nuk i pëlqejnë pyetjet.
Por nëse kihet parasysh ajo çka Rama ka thënë për Trump, që e ka cilësuar si një turp të njerëzimit, nuk dihet nëse Balla do i qëndrojë deri në fund krahasimit, jo se Kryeministri i Taulantit ka të drejtë në atë çka thënë për ish-Presidentin amerikan, por se sa mund ti pëlqejë Ramës ky krahasim.
