Mijëra vetë kanë mbushur rrugët e Tiranës në marshimin kundër qeverisë Rama në ditën e 15-të të protestave përe largimin e kryeministrit dhe kabinetit të tij.
Itinerari i kësaj të diele ishte nga rruga e Durrësit, pallati i Sportit Asllan Rusi dhe zona e Laprakës, të gjitha këto pjesë ishin të mbushura me marshues të cilët njëzëri kërkuan largimin e kryeministrit Rama.
Gjatë marshimit janë dëgjuar thirrje kundër qeverisë si “Poshtë patronazhistët”, “Rama jepe dorëheqjen” dhe kërkesa për ndryshim politik, ndërsa organizatorët kanë bërë thirrje për vijimin paqësor të tubimit.
Protesta pritet të vijojë edhe në orët në vijim, ndërsa organizatorët kanë paralajmëruar ndalesa dhe fjalime në disa pika të kryeqytetit.
