Zbulohet mesazhi me falënderimet, që Kryetari i Partisë Demokratike, Sali Berisha, i drejtoi strukturave të partisë në të gjithë vendin menjëherë pas protestës kombëtare që u zhvillua përpara Kryeministrisë.
Në të, Berisha shkruan:
“Të dashur kryetarë dhe kryetare te degëve të Partisë Demokratike!
Me këtë mesazh, dua t’ju falënderoj me mirënjohje dhe me gjithë zemër, t’ju përgëzoj ju, kryesitë e Degëve, kryetarët e grup-seksioneve e seksioneve dhe të gjithë anëtarët, anëtaret dhe mbështetësit e PD-së, për punën tuaj, kontributin e gjithsecilit, të çmuar në organizimin, pjesëmarrjen dhe suksesin e plotë të protestës sonë.
Kjo protestë kishte një rëndësi të jashtëzakonshme për PD-në, opozitën e vendin dhe mendoj se objektivi u realizua plotësisht.
Suksese edhe më të mëdha paçim!
Me urimet më të përzemërta, miqësisht Sali Berisha.”
