Sali Berisha, kryetar i PD, tha se opozita nën drejtimin e Lulzim Bashës, luajti rolin e zjarrfikësit të protestave, ndërsa u premtoi të rinjve dhe të rejave të FRPD, se kjo nuk do të ndodhte më.
“Dy faktorë u bënë zjarrfikës të revoltave qytetare. Faktori i parë ishte opozita, të themi të vërtetën. Nuk harroj kurrë qëndrimin e opozitës ndaj ekzekutimit në derë të shtëpisë së të riut Rasha. Në derë të shtëpisë, pas shpine, duken hyrë në shtëpinë e tij. Nuk mund të kishte forcë që të pengonte opozitën të mbushte sheshet. Janë një seri rastesh të tjera. Këto nuk do të përsëriten kurrë më. Edhe Astiri, një qëndresë qytetare heroike, 420 ditë. Mbështetje e kufizuar, e dorëzuar, e lokalizuar.
Teatri, histori turpi për opozitën, histori nderi për artistët dhe qytetarët që bënë qëndresën më të vendosur, dhe opozita nuk gjente motive për të mbrojtur një simbol kombëtar siç ishte Teatri. I them këto se, s’do përsëriten kurrë më”, tha Berisha.
Por sipas tij, ka patur edhe një faktor tjetër, grupet të tjera që thonë se nuk duan politizimin e protestave që thërrasin.
“Ne nuk pyesim më për asgjë, ajo që është e drejtë… Jam këtu para jush për t’ju thënë të gjithë grupeve, organizatave e të tjera me radhë, se ne si demokratë do të dalim në shesh për çdo kauzë të drejtë. Nuk ka asgjë që na pengon. Ju jeni të mirëpritur të na bashkoheni! Nuk doni? Ne do të dalim gjithnjë”, tha Berisha.
