Kryetari i Partisë Demokratike, Sali Berisha shprehet se Edi Rama bashkë me grupin mafioz Xhafaj duan t’ia marrin mandatin deputetit Ervin Salianji.
Për dosjen “Geron Xhafaj”, ai tha se Salianji ka denoncuar mosdorëzimin e tek autoritetet italiane të shumëkërkuarit Geron Xhafaj, vëllai i ish-ministrit të Brendshëm, ndaj edhe kërkohet hakmarrje.
“Procesin ndaj deputetit Ervin Salinji, në të cilin Edi Rama dhe grupi mafioz Xhafaj duan t’i marrin atij mandatin. Ky përbën një triumf të plotë të mafies shqiptare të Edi Ramës në çdo nivel. Ervin Salianji si deputet në betejën e tij, që do të bëjë çdo deputet denoncoi Geron apo Agron Xhafën, një i kërkuar nga drejtësia italiane sepse ishte i dënuar me 7 vite burg si drejtues i rrjetet të Bolonjës të trafikut ndërkombëtar të drogës, i kërkuar në Venezuelë, i mbrojtur nga Edi Rama dhe vëllai i tij me pushtet Fatmir Xhafaj. Ky trafikant vazhdonte punën e tij të zezë nga porti i Vlorës. Gazetarët faktuan nëpërmjet regjistrimeve se Geron Xhafaj vazhdon të ishte drejtues i trafiqeve nga porti i Vlorës. Ai ishte i aftë të siguronte tonelata droge për tregun italian”, u shpreh Berisha në një deklaratë nga selia blu.
“Ervin Salianji nuk ka bërë asgjë tjetër veçse ka denoncuar mosdorëzimin e tek autoritetet italiane të shumëkërkuarin Geron Xhafaj. Ka publikuar regjistrimin e gazetarit investigativ sipas të cilit Geron Xhafaj vazhdonte drejtimin dhe udhëheqjen e trafiqeve”, shtoi ai më tej.
