Tirana luan me Duddelange për turin e parë të Champions League. Kampionët e Shqipërisë udhëtojnë në Luksemburg për sfidën e parë në 6 korrik 19:30, ndërsa në 12 korrik presin kundërshtarët në “Air Albania”.
Bardheblutë tanimë kanë depozituar edhe listën e lojtarëve në UEFA për këtë ndeshje, teksa kompanitë e basteve kanë bërë punën e tyre.
Në Europë, fitorja e Tiranës kuotohet me 2.78, ndërsa ajo e Duddelange 2.45. Barazimi në ndeshjen e parë ka koeficient 3.43.
Ndryshe nga disa ditë më parë, Tirana ka fituar “pikë” , ndërsa më herët fitorja kuotohej me koeficient më të lartë. Ende me Duddelange si favorite, Tirana ka një detyrë jo të lehtë në transfertë.
