Deputeti Gazment Bardhi ka reaguar pas akuzave ndaj tij të bëra nga kreu i Partisë Demokratike, Sali Berisha, lidhur me vrasjen e Pjerin Xhuvanit në qytetin e Elbasanit disa ditë para zgjedhjeve të 25 prillit.
Bardhi i është përgjigjur Berishës duke thënë se duhet të presë me qetësi përfundimin e hetimeve, dhe se “ai duhet të ndjehet i turpëruar që barazoi sakrificën e demokratëve me Bandat e Elbasanit”.
“Babi Zenit” të pres me qetësi përfundimin e hetimit, dhe do kuptojë që unë as braktisë e as mohoj askënd. Ai duhet të ndjehet i turpëruar që barazoi sakrificën e demokratëve me Bandat e Elbasanit. Unë nuk jam ‘Babi i Zenit’ që nuk e njeh baxhanakun e tij për të mbrojtur Zenin”, u shpreh Bardhi në një reagim.
Në konferencën e sotme për mediat, Berisha tha se Arbër Paplekaj ka qëlluar me armë ndaj Xhuvanit për vetëmbrojtje, ndërsa Gazment Bardhi e ka braktisur atë.
Berisha ka akuzuar sërish Bardhin se është i implikuar në ngjarje së bashku me Taulant Ballën.
