Sot në mbledhjen e Konferencës së Kryetarëve, deputeti i PD-së, Belind Këlliçi, ka debatuar me kryetarin e Komisionit të Ligjeve Ulsi Manja, të cilit i ka kujtuar dosjen “184”.
Këlliçi theksoi se qeveria duhet t’u japë llogari për atë që u kanë grabitur shqiptarëve.
“Sot ka një realitet të ri dhe protesta në shesh po e tregon qartë këtë. Prandaj, ju sot këtu nuk mund të flisni për këtë çështje, sepse jeni pikërisht ju shkaktarët e kësaj situate.
Edhe ti, Ulsi, sepse je bërë i njohur për ato dosje që lidhen me vjedhjen e zgjedhjeve. Prandaj, ju nuk mund të flisni këtu as për protestën dhe as për asgjë tjetër.
Ju duhet të jepni llogari jo për atë që ju kanë dhënë shqiptarët, por për atë që ju u keni grabitur shqiptarëve”, ka deklaruar Këlliçi.
