Në Tiranë vijuan protestat masive që kërkojnë dorëheqjen e Edi Ramës dhe qeverisë, ndërsa kryeministri në të njëjtën kohë ishte në Fier krah Belinda Ballukut.
Rama reagoi ndaj protestuesve duke thënë se kërkesat për largim të qeverisë nuk janë mënyra e duhur për të adresuar shqetësimet, sidomos ato që lidhen me projektet në Zvërnec, Sazan dhe çështjet mjedisore si biodiversiteti dhe flamingot.
Sipas tij, protestat duhet të fokusohen te kërkimi i transparencës dhe “hesapi” duhet kërkuar përmes dialogut dhe takimeve me ekspertë, jo me thirrje për rrëzimin e qeverisë.
Ai theksoi se është legjitime të kërkohet llogari për projektet, por jo në formën e ultimatumit politik për dorëheqje, duke shtuar se qeveria e tij nuk ndryshon nga presione të tilla.
Edi Rama: Të vish sot, të mblidhesh dhe të kërkosh hesap për një projekt është gjëja më legjitime në botë, por hesapi kërkohet duke u ulur dhe duke kërkuar transparencën që të mungon. Nëse dikush edhe disa dalin në protestë dhe kërkojnë që unë të jem i butë, njerëzor, i kuptueshëm me ta, ka një minimum etik.
Po qe se ajo protestë është shqetësim për Sazanin, Zvërnecin, biodiversitetin, flamingot, minimumi është të nxjerrësh një grup njerëzish dhe të thuash, ulu me këta njerëz, këta janë ekspertë, trego nga A në Zh çfarë po ndodh dhe çfarë ka ndërmend të bëjë qeveria. Dhe të dëgjosh.
Nuk mund të vish dhe të bësh atë teknikën “nuk ka negociata, largohu”. Nëse je në protestë që të mos largohen flamingot, nuk mund të kërkosh të largohet qeveria, por duhet të kërkosh hesap për flamengot. Ky është minimumi jetik.
Të kërkosh hesap brutal në atë formë, një shumice qeverisjeje, kur është shpall Vjosa park kombëtarë, dhe kur ajo fjala “Vjosa Narta” nuk kane lidhje me projektin, është guxim shume i madh, guximi i atij që nuk ka turp. Nëse nuk ke turp përpara të vërtetës dhe manipulon të tjerët e shkon lart e më lart, të kthesh përmbys vendin, është diçka që mund ta bësh, por duhet të dish që me Ramën dhe PS nuk funksionon.
