Kreu i PD, Sali Berisha ka reaguar për herë të parë lidhur me protestat në Zvërnec, ku banorë dhe aktivistë kundërshtojnë projektin turistik të zhvilluar në zonën e mbrojtur të Pishë Poro.
Dy ditë më parë, protestuesit u përplasën me rojet private të objektit, duke shkaktuar tensione dhe dhunë.
Berisha, i pyetur nga gazetarët deklaroi se dënon dhunën ndaj protestuesve, duke e cilësuar si një akt të shëmtuar të policisë së shtetit.
Megjithatë, ai theksoi se Partia Demokratike mbështet fuqimisht investimet e huaja, duke kujtuar se gjatë qeverisjes së tij ishte miratuar një ligj që garantonte mbrojtjen e investitorëve të huaj në rast të problemeve me pronësinë.
“Unë nuk kam asnjë faqe, asnjë dokument të projektit, por e kam ndjekur me interes publikimet. PD është parti që mirëpret investimet e huaja. Ligji ynë parashikonte që nëse qeveria miraton një projekt mbi dokumente origjinale pronësie, çdo problem që lind më pas i zgjidhet investitorit nga shteti me çmimin e tregut. Kjo u bë për të shmangur pengmarrjen e investitorëve të huaj dhe për të siguruar klimë të shëndetshme investimesh,” u shpreh Berisha.
Nga ana tjetër, Berisha nuk dha një qëndrim të drejtpërdrejtë për hetimet e nisura nga SPAK mbi tjetërsimin e pronave në Zvërnec, duke u fokusuar tek parimi i mbrojtjes së investimeve të huaja si politikë e PD-së.
Fjala e Berishës: Dhunën e ushtruar ndaj protestuesit në Zvërnec, e dënoj. Ai ishte rrëmbim, në duart e policisë, dhe e dënoj atë si një akt të shëmtuar të policisë së shtetit. Një.
Së dyti, nuk kam asnjë faqe, asnjë fletë, asnjë gjë të atij projekti. Megjithëse t’ju them këtu, e kam ndjekur me shumë interes të gjitha publikimet që janë bërë.
Së treti, meqenëse e doni këtu, Partia Demokratike është parti që mbështet fuqimisht investimet e huaja. Dhe kjo parti në pushtet, ja këtë tani ju kërkoj ta mbani shënim, ka patur një ligj. Një ligj i cili zgjidhte në mënyrë të plotë dhe totale çështjen e pronësisë.
Cili ishte ligji? Ligji thotë këtë: në rast se qeveria miraton një projekt të një investitori të huaj, i cili është bazuar në dokumente origjinale shtetërore pronësie, kadastre, dokumente origjinale, çdo problem që lind pas miratimit të qeverisë, qeveria i përgjigjet palës me çmimin e tregut. Ja u them këtu, pse u vu ky ligj?
U vu ky ligj sepse konstatoja që me investitorë shqiptarë nuk ndodhte, kurse me investitorë të huaj vraponin pas pengmarrjes. Dhe informacionet që më vinin, dilte njëri e i thoshte jo, do paguash kaq se jam unë kaq. Dhe kjo linte vendin pa investime. Atëherë ne ç’bëmë?
Në qoftë se ti djem, nuk jam unë ai që them se s’di ç’janë dokumentat, por që është dokument shtetëror, do t’i dalë zot dhe do mbajë përgjegjësi. Do t’i dalë zot dhe do mbajë përgjegjësi shteti.
LEXO EDHE:
