Një aksident rrugor është regjistruar mëngjesin e kësaj të premte, në Peqin. Një autoveturë është përplasur me një kamion në rrethana ende të paqarta dhe si pasojë kanë mbetur të plagosur dy persona.
Paraprakisht raportohet se e plagosur ka mbetur drejtuesja e autoveturës dhe një fëmijë të cilët po marrin ndihmën mjekësore, ndërsa policia ka nisur hetimet për të zbardhur shkaqet dhe rrethanat e aksidentit.
Si pasojë e ngjarjes është krijuar edhe trafik në segmentin ku ndodhi përplasja.
