Ish-ambasadori Agim Nesho komentoi zhvillimet e fundit dhe raportimet ndërkombëtare lidhur me Shqipërinë, duke i interpretuar ato si sinjale të rritjes së vëmendjes së partnerëve strategjikë ndaj situatës së brendshme në vend.
Sipas tij, administrata amerikane po ndjek me kujdes zhvillimet politike dhe institucionale në Shqipëri, ndërsa marrëdhënia e qeverisë shqiptare me SHBA-në, sipas tij, po kalon një fazë më të ftohtë dhe më skeptike.
I ftuar në emisionin “Çim Peka Live”, Nesho u shpreh se, pavarësisht retorikës pro-perëndimore të qeverisë, ekzistojnë shqetësime që lidhen me drejtimin e vendit dhe funksionimin e institucioneve demokratike.
Ai theksoi se një nga çështjet kryesore që, sipas tij, mbetet në fokus të vëmendjes ndërkombëtare është lufta kundër krimit të organizuar, duke shtuar se çdo perceptim për lidhje të mundshme të grupeve kriminale me politikën përbën shqetësim serioz për sigurinë dhe partneritetin ndërkombëtar.
Në analizën e tij, Nesho u shpreh gjithashtu se politika amerikane, në kushtet e zhvillimeve globale, mund të ketë një qasje më të kujdesshme ndaj Shqipërisë, ndërsa theksoi se vendi mbetet një aleat i rëndësishëm i SHBA-së.
Ai shtoi se opinionet dhe raportimet mbi ndikimin e krimit të organizuar në rajon dhe lidhjet ndërkombëtare të tij po trajtohen me vëmendje nga aktorë të ndryshëm politikë në Uashington, duke nënvizuar se këto zhvillime mund të ndikojnë në mënyrën si perceptohet situata në Shqipëri.
Nesho përfundoi duke thënë se zhvillimet e ardhshme do të jenë vendimtare për të parë nëse do të ketë një ndryshim në qasjen ndërkombëtare ndaj vendit.
Pjesë nga deklarata:
Padiskutim, kjo është diçka domethënëse, tepër e rëndësishme, që duhet ta evidentojmë. Të tjerët prisnin më shumë, se pashë edhe diskutime që thoshin pse nuk e goditi direkt Ramën, por dihet që marrëdhëniet diplomatike do të respektojnë edhe procesin e përfaqësimit të shteteve të tyre, sepse ata janë kryesisht për të krijuar marrëdhënie diplomatike e bashkëpunimi me qeverinë aktuale. Ajo që tha ambasadori, katër pikat e tij dhe duke nisur nga pika kryesore, që është çështja e luftës kundër krimit të organizuar, ishte diçka domethënëse që i jep Shqipërisë një optimizëm të ri; dua të them për arsye se dihet që Shqipëria për një kohë të gjatë është kthyer në një narko-shtet, që qeveria dhe regjimi i Ramës e kanë tjetërsuar Shqipërinë nga rruga demokratike e saj. Dhe si i tillë, kjo sigurisht, kjo deklaratë e parë është një shpresë në rritje që Shtetet e Bashkuara të Amerikës nuk kanë harruar Shqipërinë. Duhet të themi që vetë opinioni publik duhet të presë, të ketë kohë për të parë reflektimin e politikës amerikane.
Por një gjë duhet thënë: që nga koha që ka ardhur administrata e presidentit Trump, ne shikojmë një ftohtësi të plotë, një mosdakordësi që fillon që nga momenti i zgjedhjeve. Amerika, pavarësisht se ka probleme të tjera, është brenda një lufte të kompeticionit të fuqive të mëdha, ka konflikte të ndryshme në Ukrainë dhe në Lindjen e Mesme; prapë e shikon me skepticizëm se çfarë po ndodh në Shqipëri. Shqipëria është një aleat, një aleat i sigurt i Shteteve të Bashkuara të Amerikës, dhe ajo sigurisht, edhe për interesat e saj, nuk do që të shkëputet me këto politika autokratike të Edi Ramës, që kanë vetëm një drejtim. Domethënë, duket sikur në makiazh bën orientimin perëndimor, një herë pro Amerikës, një herë pro Evropës, për të fituar kohë, por mënyra e qeverisjes së tij, ajo që i ka bërë vendit tonë duke larguar më shumë se 1 milion shqiptarë, duke i trajtuar pronat e shqiptarëve si pronat e askujt, duke luajtur me to, me financat publike, duke bërë lojëra pushteti dhe blerje influence jashtë shtetit, tregon që ky regjim nuk ka asnjë lidhje me Perëndimin, por ky vazhdon atë rrugën e tij, që ne po e shikojmë nga dita në ditë.
Tani, për ambasadorin, duke e mbyllur, dua të them: katër gjërat ishin shumë të lidhura në dy aspekte. Në radhë të parë, ishte krimi i organizuar, dhe ambasadori nënvizoi faktin e lidhjes së krimit të organizuar me Amerikën Latine. Kur mund të flasin në përgjithësi në çdo vend tjetër të botës, nuk do të specifikonte, sepse Shqipëria është një rast i tillë ku, me fakte, është evidentuar, me emisionet televizive, pranimi i faktit që kryeministri shqiptar ka dhënë liçensa për përfaqësuesit e Sinaloas. Kjo ka prekur direkt dhe prek sigurinë kombëtare të Shteteve të Bashkuara të Amerikës.
Kjo është thënë në nivelet më të larta të administratës amerikane, që edhe veprimi i kësaj administrate nuk do të kufizohet jo vetëm me aksionin e saj për të dënuar krimin e organizuar në Amerikën Latine, por kudo që shikon një veprimtari të tillë të lidhur me kartelet dhe me krimin e organizuar. Pra, mendohet që fokusimi në pikën e parë, që është krimi i organizuar dhe lidhjet me kartelet, sigurisht është një mundësi për zbërthimin e këtij narko-regjimi të Edi Ramës. Dhe mendohet që do ta ketë shumë të vështirë, pavarësisht se disa senatorë, të cilët në mënyrë tradicionale janë bashkëpunëtorë të Sorosit, përkrahës në fushatat…
