Gjykata e Posaçme shtyu për më 3 qershor seancën ndaj 7 të bashkëpandehurve në gjyqin ndaj kryebashkiakut, Erion Veliaj.
Seanca e planifikuar për këtë të mërkurë u shty për shkak të mungesës së disa prej avokatëve mbrojtës.
GJKKO ka pranuar gjykimin e shkurtuar për 7 të pandehurit Elman Abule, Fatmir Bektashi, Mirton Lika, Flutur Xhani, Klotilda Bushka, Adela Kondakçiu, Fatjon Baçi, si dhe shoqëritë “Lani”, “Ramental”, dhe “Kontakt”.
Në seancën e sotme pritej që Prokuroria e Posaçme, SPAK, të lexonte pretencën ndaj të pandehurve, por procesi u ndërpre dhe u shty për në fillim të muajit qershor.
Gjykata e Posaçme pritet të vijojë shqyrtimin e çështjes në seancën e ardhshme, ku SPAK do të paraqesë kërkesat përfundimtare për secilin prej të pandehurve.
