Në Gjykatën Administrative pritet të nisë seanca e radhës për të shqyrtuar padinë e kryebashkiakut të Tiranës, Erion Veliaj ndal Ols Dados.
Veliaj kërkon shpalljen e pavlefshmërisë së emërimit të tij si prokuror në vitin 2008, me argumentin se nuk ka përfunduar Shkollën e Magjistraturës duke mos përmbushur kushtet për t’u kualifikuar si prokuror.
Veliaj është sërish i pranishëm në seancë, ndërsa kur mbërriti në ambientet e gjykatës në duar mbante një libër të autores Naomi Alderman, që titullohej “Mos digjni askënd në turrën e druve sot”.
Në seancë në mbështetje të Veliajt kanë shkuar edhe dy aktorët, Robert Ndrenika dhe Gaz Paja.
