Një ngjarje e rëndë është shënuar në Gjakovë, ku një i ri ka humbur jetën si pasojë e plagëve të marra nga një sulm me thikë.
Sipas informacioneve, viktima është Rexhë Brahimaj, i cili u plagos rëndë dhe u dërgua me urgjencë në spital për trajtim mjekësor. Pavarësisht përpjekjeve të stafit shëndetësor, ai nuk arriti t’u mbijetojë plagëve dhe ndërroi jetë.
Ngjarja ka tronditur komunitetin lokal, ndërsa motivet e sulmit ende nuk janë bërë të ditura. Autori i dyshuar është larguar nga vendi i ngjarjes dhe ndodhet në arrati.
Autoritetet policore kanë nisur hetimet për kapjen e të dyshuarit dhe zbardhjen e plotë të rrethanave që çuan në këtë akt tragjik.
