Forcat iraniane kanë sulmuar Emiratet e Bashkuara Arabe (EBA) me raketa dhe dronë për të dytën ditë radhazi, njoftuan sot autoritetet lokale.
Ministria e Mbrojtjes e Emirateve të Bashkuara Arabe tha se po u përgjigjej sulmeve.
Autoriteti i Mbrojtjes nga Fatkeqësitë i bëri thirrje popullsisë të kërkojë strehim dhe të ndjekë kanalet zyrtare për paralajmërime dhe lajme.
”Fragmentet që bien nuk duhet të preken apo fotografohen”, tha autoriteti.
Irani rifilloi dje sulmet ndaj Emirateve të Bashkuara Arabe, për herë të parë që kur një armëpushim hyri në fuqi katër javë më parë.
Presidenti i SHBA-së Donald Trump kohët e fundit e zgjati armëpushimin në mënyrë të njëanshme pa një afat kohor.
Forcat iraniane i kanë përshkruar sulmet e tyre si një reagim ndaj një iniciative amerikane për të rihapur Ngushticën e Hormuzit të bllokuar.
Sulmet e djeshme ndaj Emirateve të Bashkuara Arabe shkaktuan një zjarr në një depo nafte në portin e Fujairah në Gjirin e Omanit jashtë ngushticës.
Trump u përgjigj me një kërcënim të ri për të shkatërruar Iranin.
