Një alarm për bombë u dha mesditën e sotme në një qendër tregtare në Tiranë.
Sipas informacioneve, një email ka mbërritur në adresën e shefit të sigurisë së qendrës, ku paralajmërohej për një mjet shpërthyes.
Pas marrjes së njoftimit, u bë evakuimi i punonjësve dhe qytetarëve që ndodheshin brenda dhe rreth ambienteve.
Forcat e sigurisë dhe policia ndërmorën kontrolle të imtësishme në hapësirat e qendrës tregtare.
Sipas policisë, pas verifikimeve, nuk u konstatua ndonjë send i dyshimtë apo mjet shpërthyes.
Kujtojmë se ky është alarmi i tretë për bombë ne 3 qendra te ndryshme tregtare në kryeqytet, ndërsa të gjitha kanë rezultuar false.
