Detaje të reja janë zbuluar në lidhje me vrasjen e 30-vjeçarit Endri Goxhaj, mbrëmjen e së martës në Memaliaj.
Në kërkim policia ka shpallur 2 vëllezër të dyshuar si autorë të ngjarjes, konkretisht Donaldo dhe Marjaldo Nela.
Nga veprimet hetimore ka rezultuar se autorët dhe viktima kanë qenë të ndarë më 2 grupe dhe nga të 2 grupet ka pasur shkëmbim zjarri, ku për pasojë i plagosur mbeti edhe vëllai i 2 autorëve, Dali Nela.
Konfliktet midis grupeve kanë qenë të hershme, dyshohet për lëndë narkotike.
I dyshuari Donaldo Nela është person me precedent penal, i përfshirë në trafik droge, si pjesë e një grupi të strukturuar kriminal. Grupi që ai bënte pjesë është goditur në 2018-ën nga Policia e Sarandës. Ai po ashtu, rezulton i hetuar edhe si autor i një grabitje të një pike të këmbimit valutor në Tepelenë.
I plagosuri Dali Nela, është dhëndër te fisi Kalemi.
Si dëshmitarë okular dhe persona që mund të kenë dijeni për konfliktet midis grupeve janë shoqëruar disa, të cilët me dëshmitë e tyre nuk kanë ndihmuar hetuesit për të dokumentuar ngjarjen.
