Gazetari Aulon Kalaja ka folur rreth përpasjeve mes socialistëve dhe situatës në PS.
Gjatë intervistës në “News24″ Kalaja theksoi se nga zhvillimet e fundit, mund të krijohet një front kundër Edi Ramës.
Ndërsa nënvizoi se kandidatura e Braçes do i prishte punë PS.
“A ka kohezim mes Spiropalit dhe Braçes? Mendoj që mund të ketë njëlloj kohezioni. Ka edhe thashetheme që faktori ndërkombëtar ka kërkuar një pol të ri PS. Mund të organizohet edhe grupi i Erion Veliajt që po rri në hije.
Nuk e dimë. Por Socialistët janë të zhgënjyer deri diku. Ka brumë për t’u bërë një front kundër Edi Rama. A janë për interesa personal, nuk e di? A është kandidaturë më e mirë ajo e zotit Braçe se Manastirliu? Unë mendoj që po dhe këtë e kam të faktuar edhe nga terreni.”
