Tre persona janë arrestuar nga Policia e Vlorës, pasi dyshohet se kanë kanosur një 30-vjeçar për t’i marrë një shumë monetare prej 30 000 euro.
Të arrestuarit janë Alteo Grabovaj, 26 vjeç, Mahmut Balikci, 22 vjeç dhe Mehmet Hoxha, 29 vjeç, të tre banues në Vlorë.
Ngjarja u zbardh pas kallëzimit të bërë nga 30-vjeçari, i cili deklaroi se në një lokal ishte kërcënuar nga tre persona, të cilët dyshohet se mbanin edhe armë zjarri, me qëllim përfitimin e një shume parash.
Më pas, ata i kanë marrë automjetin tip “BMW”, duke e mbajtur deri në dhënien e shumës së kërkuar.
Gjatë operacionit u sekuestruan automjeti i përdorur nga autorët, si dhe automjeti që ata i kishin marrë 30-vjeçarit.
