Prestigjiozja Deutsche Welle ka vlerësuar Jet Bank si një nga zhvillimet më të rëndësishme në sektorin financiar në Shqipëri. Duke sjellë modelin e parë 100% digjital në vend, banka po sfidon mënyrat tradicionale të operimit bankar. Ky model fokusohet në thjeshtësi, shpejtësi dhe transparencë për klientët. Sipas analizës, Jet Bank përfaqëson një hap të qartë drejt një sistemi më modern dhe më efikas.
Në reportazhin e publikuar nga Deutche Welle me titullin “A do të vazhdojë të jetë cash-I mbret në Ballkanin Perëndimor”, media e njohur bën analizë të ekonomisë informale që është në shifra të mëdha dhe digjitalizimi i pagesave mund të kontribuojë, jo vetëm në luftën kundër ekonomisë informale, por edhe pastrimit të parave.
Në qendër të këtij reportazhi është CEO e Jet Bank, Znj. Fatbardha Rino, e cila e pyetur mbi këtë zhvillim shprehet se “ky është një moment i mirë për këtë zhvillim në Shqipëri”.
Gjithashtu e pyetur mbi rolin e saj si grua në një industri të dominuar nga burrat, ajo shprehet se të tilla nisma nuk kanë të bëjnë dhe aq me gjininë, por me eksperiencën e ndërtuar ndër vite që të sjellin në këtë moment, si personal po aq dhe të përbashkët.
