Nga Boldnews.al
Në mënyrë ironike në vitin 2018 kryeministri Edi Rama thonte se ka në rrjetet sociale plot të rinj që i drejtohen kryeministrit (shënim, vetë atij): “O legen na gjej ndonjë punë”… Atëkohë ai fliste për vende pune që po hapeshin, por duhej ndryshuar mentaliteti që sipas tij preferonin o punë në shtet, ose të harxhonin lekët e prindërve.
“Çelja e vendeve të punës është reale, rritja e mundësive për punë është reale por duhet të luftojmë të gjithë së bashku me një psikologji të rëndë të trashëguar se më mirë një punë shteti ose pastaj në kafe me lekët e mamit dhe babit edhe në fb duke i thënë kryeministrit: O legen na gjej punë”, thonte Rama në vitin 2018, kur sapo kishte nisr mandatin e dytë qeverisës.
I njëjti individ, pa shumë ndryshime në mënyrën e të folurit dhe trajtimit të situatës së punësimit, rikthehet të flaës për vendet e punës, në një shfaqje propagandistike për 5000 vende bosh që prisnin hapur përsersonat e interesuar që do të trajtohen në një portal.
“Krijon më shumë transparencë, ndërveprim mes individit në kërkim të një mundësie dhe shtetit që ka nevojë, prandaj i jep këto mundësi. Nga ana tjetër, përfshin për herë të parë një pasqyrë ku të gjitha mundësitë janë të ekspozuara”, tha ai.
Përtej shfaqjes, punësimi në sektorin shtetëror ka të tjera kritere, “trasparenca” mbet thelbësore që individët që punësohen të tregojnë fakte dhe prova si të angazhuar me partinë, në mos patronazhistë, ndihmës të tyre.
Formimi profesional shpesh lidhet me sa aktiv ka qenë ai/ajo në mbledhjet e partisë në çdo strukturë të saj.
Ndërsa pozicioni i punës patjetër duhet të kalojë nga një mik i fortë ku sa më lart të jetë aq më shumë janë mundësitë për të kapur poste edhe më të larta, mundësisht tatimorë, inspektorë, doganierë, në INUK, INUV, IMT, IKMT apo Aviacion Civil.
Koncepti i punësimit tashmë nga ndryshuar që nga viti 2018, nuk ka më të rinj apo të reja që kërkojnë punë në faqen e kryeministrit, madje edhe duke e fyer “paturpësisht”, pasi “legenat” gjenden edhe online, portali “Punësimi” i ka “kriteret” e qarta!
