Lajmi i përhapur me shpejtësi se vajza e Presidentit të SHBA-ve Donald Trump, Ivanka Trump ka vizituar sërish sot Shqipërinë ka rezultuar i pavërtetë.
Ajo që ngjalli konfuzion ishin disa foto të shkrepura në hyrje të një hoteli në Vlorë të shpërndara ne mediat për qëllime të dyshimta.
Pas verifikimeve lajmi ka rezultuar i pavërtetë.
Vajza e Presidentit sipas mediave amerikane ka qenë mbrëmjen e djeshme në një ndeshje të UFC-së në Miami, bashkë me babain Presidentin e SHBA-ve, Donald Trump dhe pjesëtarët e tjerë të familjes.
Ivanka Trump ishte muaj më parë në Shqipëri bashkë me një grup arkitektesh të huaj.
