Kryedemokrati Sali Berisha në komunikimin e përjavshëm me qytetarët theksoi se pastrimi i parave të drogës përmes kullave në ndërtim ka rrëzuar euron dhe dollarin, si dhe ka falimentuar mijëra biznese.
Berisha u shpreh se Rama ka lidhje të shumëfishta me kartelet ndërkombëtare të drogës, si Sinaloa. Me këto lidhje, Rama po kërcënon sigurinë e rajonit, dhe të Europës shton Berisha.
Ai vijoi më tej duke thënë se PD po përgatit një plan social për strehimin, duke ndikuar në çmimin e ulët të shitjes së apartamenteve.
“Shqipëria i pari narko shtet në Europës. Lidhjet me Sinaloan problem i madhor sigurie për votën. Rrezik shumë serioz. Janë vetëm një aspekt. Lidhjet me kartelet polivalente. Numër i madhe kartelesh që mban lidhje direkte dhe kërcënon sigurinë e rajonit. Këto kartele, janë armike të egra të shqiptarëve dhe po shkatërrojnë vendin. Rama flet për ndërtim dhe ndërsen ndërtuesit kundër opozitës, se opozita denoncon kullat si monumente të drogës. Nuk jemi kundër ndërtimit. Por jemi kundër makinerisë gjigande të larjes së parave të drogës në ndërtim.
Ky ndërtim është ndëshkim për ekonominë. E vërtetë se qindra mijëra falimentojnë prej parave të drogës. Është e vërtetë, se ndërtimet e klaneve të drogës rrisin në stratosferë çmimet e banesave. E vërtetë se paratë e drogës që ndërtojnë kullat e drogës rrëzojnë përdhe euron dhe dollarin. Shkatërrojnë mijëra ndërmarrje eksporti. Ndërtimi me pare droge është ndëshkim. Qeveria e PD është zotuar se do ndërmarrë ndërtime vetëm për të shkatërruar ndikimin e karteleve të drogës mbi ndërtimin në Shqipëri. Do shiten me çmime të leverdishme. Këto kulla droge kanë bërë emergjente një politikë sociale strehimi.”- tha Berisha.
