Një automjet i vogël është përfshirë nga flakët pasditen e sotme, në mes të autostradës Kukës-Tiranë.
Ngjarja ka ndodhur në maloren e Kolshit, ku mjeti është përfshirë nga flakët papritur duke u shkrumbuar thuajse totalisht.
Fatmirësisht nuk raportohet për persona të lënduar, ndërsa siç mund të shihet në foton e mësipërme tymi ka pushtuar zonën, duke vështirësuar qarkullimin e mjeteve. Për pasojë, raportohet se njëra korsi lëvizëse nga Kukësi drejt Tiranës është bllokuar.
Grupi hetimor ndodhet në vendngjarje dhe po heton për zbardhjen e shkaqeve të rënies së zjarrit.
