Anëtari i Këshillit Kombëtar të Partisë Demokratike, Ilir Alimehmeti, ka folur mbrëmjen e somte, mbi mundësinë e kandidaturës së tij në zgjedhjet e ardhshme për Bashkinë e Tiranës.
I ftuar në emisionin “Off the Record” në A2CNN, Alimehmeti ka lënë të hapur mundësinë për kandidim, teksa është shprehur se ka dhënë disponibilitetin e tij për të qenë kandidat dhe pret vetëm vendimin e PD-së.
“Si të vendosë PD. Pra, unë disponibilitetin tim e kam dhënë me kohë. Do vendosin, do mblidhen strukturat drejtuese, do ta diskutojnë, do shohin edhe nga pikëpamja strategjike si do t’i qasen politikisht zgjedhjeve të vitit 2027. Strukturat drejtuese në këto momente janë në zgjedhje e sipër, në javët në vijim këto ndryshojnë dhe patjetër do diskutojnë këtë problem. Disponibilitetin tim e kanë, por mund të ketë edhe njerëz të tjerë që kanë disponibilitet dhe konkurrojnë”, tha ai.
