Me pankarta në duar të shumtë janë studentët shqiptarë që po protestojnë në Shkup pasi nuk u mundësohet dhënia e provimit të jurisprudencës në gjuhën shqipe, edhe pse kjo e drejtë është e garantuar me Kushtetutë dhe ligj.
“Ligji për gjuhët është I qartë’ ‘Mos mohoni të drejtën e fituar’ ‘Marrëveshja e Ohrit nuk negociohet’, ‘Dorëheqje’ janë disa nga mesazhet e shkruara në panakrtat e studentëve.
Protesta nisi me marsh nga Ura e Gurit në Shkup dhe po marshojnë drejt ministrisë së Drejtësisë.
385 studentë shqiptarë nga tre universitetet përkatëse kanë firmosur një peticion, duke kërkuar që provimi i jurisprudencës të mbahet edhe në gjuhën shqipe, në përputhje me të drejtat e tyre ligjore
‘Ligji për gjuhët është i qartë’ Studentët shqiptarë në protestë në Shkup: Mos mohoni të drejtën tonë.
Ky provim i domosdoshëm për ushtrimin e profesionit juridik si avokat, gjyqtar apo prokuror, në praktikë zhvillohet kryesisht në gjuhën maqedonase, edhe pse shqipja ka ligjërisht status zyrtar.
Argumenti i studentëve është se kjo situatë krijon një pengesë për ta dhe shumë pabarazi, pasi kufizon mundësitë e tyre profesionale dhe ndikon drejtpërdrejtë në përfaqësimin e shqiptarëve në sistemin gjyqësor të vendit fqinj.
Kërkesat e tyre janë që provimi të zhvillohet plotësisht në shqip, me procedura të barabarta për të gjithë kandidatët dhe zbatim real të të drejtave gjuhësore të garantuara me ligj.
