Nga Boldnews.al
Pa mbushur as gjashtë muaj nga mandati i dytë i qeverisjes Rama, drejtori i Ujësjellësit të Sarandës doli publikisht në një deklaratë dhe tha se e kishte testuar popullsinë në qytet, pasi i kishte lënë tre ditë pa furnizim me ujë dhe se askush prej banorëve nuk i ishte ankuar.
Deklarata u shpërnda si “meme” e gatshme, por në fakt ai drejtor (që vijoi gjatë për disa vite në drejtim po të ujësjellësit), ishte më i sinqerti i modelit të qeverisë së Edi Ramës. Testimet sesa mbajnë qytetarët kanë vijuar gjatë, në çdo kohë e në çdo formë. Më e fundit është rritja e çimit të naftës.
Ndërsa çmimi i naftës kap majat çdo ditë, “Bordi i Trasparencës” i ngritur nga qeveria u reklamua si mënyrë për të mbajtur nën kontroll abuzimet me çmimin e karburanteve, po kthehet në abuzuesen më të madhe. Pa u ngritur ende ky bord, çmimet ishin në nivele të larta, por jo në pikun e tyre. Tashmë çdo ditë fotot me punëtorë të pikave të karburanteve që ndryshojnë shifrat, gjithnjë në rritje janë bërë mëse rutinë, ku të vetmit që nuk ankohën, e madje “urojnë” që bordi qeveritar të jetë gjatë e më gjatë janë grosistët e karburanteve.
“Shemja” në krye të qeverisënuk ndjen asnjë zë proteste të qytetarëve, aq për karburantet, as për rritjen e çmimeve të mallrave të shpërtës e as fare për zarzavatet. Rama ka komoditetin të flaës për gjëra të mëdha, që askush nuk i prek, askush nuk i sheh, por që ekzistojnë si imazhe haluçinative vetëm në kokën e tij. Flet për konfliktet nëpër botë, si mund të zgjerohet “ngushtica e Hormuzit”, sesi Europa nuk është më e para, sesi konceptet qeverisëse të tij kapërcejnë dekada përpara, por harron të tashmen, atë që qytetarët përjetojnë çdo ditë.
Pikërisht në kohën kur nafta rritet, kryeministri u bën naftën të parëve fermërëve. U heq subvencionimin për karburantin që merrnin për punimin e tokave. Asnjë prej fermerëve nuk u ndje, ndërsa kënaqen me memet e kohës duke lëvruar arat me parmendë, siç bënin të parët e tyre në epokën e Msjetës. Teksa shqepin në dru qetë, në darkë ushqehen me deklaratat e kryeqeveritarit që për fundjave ka si sakon të flaës çfarë i do qejfi në podkastin e tij.
As qytetarët që përdorin automjete nuk u ndjenë nga rritja e çmimit të karburanteve. As familjarë që gatuajnë me gaz nuk bzanë, as pensionistët që domateve u shohin vetëm çmimin por nuk guxojnë ti prekin nuk u ndjenë për të reaguar, në ndonjë protestë qëoftë edhe modeste. Të gjithë ja kemi bërë naftën vetes, ndërsa qeveria na e kthen shumëfish duke jetuar kohët e arta të saj në kohën e krizës së qytetarëve. Shemja e “kryeshemet” në qeveri do vijojnë të na testojnë në varfërinë e mendësisë qytetare.
