Partia Demokratike ka kërkuar zhvillimin e një interpelance urgjente në Kuvend me ministrin e Energjetikës dhe Transportit, Enea Karakaçi, në lidhje me përgatitjen e vendit për përballimin e një krize të mundshme energjetike.
Kërkesa është bërë nga deputeti Eno Bozdo, i cili thekson se situata ndërkombëtare, e ndikuar nga zhvillimet në Iran, ka sjellë rritje të menjëhershme të çmimeve të energjisë, veçanërisht të naftës dhe derivateve të saj.
Sipas tij, paralajmërimet e Agjencia Ndërkombëtare e Energjisë (IEA) dhe thirrjet e Komisionerit për Energjinë në Bashkimin Evropian, Dan Jorgensen, për përgatitje ndaj ndërprerjeve të mundshme në furnizim, tregojnë qartë rrezikun real që i kanoset edhe Shqipërisë.
Bozdo thekson se vendi përballet me sfida serioze në garantimin e furnizimit me karburant dhe në menaxhimin e rezervave të sigurisë, ndërsa shton se nevojiten masa konkrete dhe koordinim më i fortë institucional me partnerët ndërkombëtarë.
Në këtë kuadër, ai kërkon që ministri të japë shpjegime të detajuara mbi planin e qeverisë për përballimin e situatës, duke vënë në dukje se Shqipëria duket e papërgatitur për menaxhimin e një krize të tillë energjetike.
Kërkesa:
