Emisioni “Stop”, i kësaj të enjteje, 2 Prill, trajtoi problematikën e qytetarit Marash Çubi nga fshati Gocaj, Lezhë.
Ai kishte blerë një traktor bujqësor pranë subjektit “ARTOM” SH.P.K, por hasi probleme serioze kur u paraqit për ta regjistruar në Drejtorinë e Transportit Rrugor në Laç.
Gjatë kontrollit fizik, specialistët konstatuan se numri i shasisë nuk përputhej me dokumentacionin dhe mjeti rezultonte i kërkuar në Interpol, çka çoi në bllokimin e tij për rreth dy muaj dhe referimin e rastit në Polici dhe Prokurori.
Nga ana tjetër, përfaqësuesit e subjektit “ARTOM” SH.P.K deklaruan se mjeti ishte importuar në mënyrë të rregullt nga Japonia dhe se dokumentacioni ishte në rregull.
Ndërkohë, Oficeri i Policisë Gjyqësore Selami Kalaj në Policinë e Lezhës konfirmoi se çështja ishte në hetim nga prokurori Ismet Dervishi. Në Drejtorinë e Transportit Rrugor Laç, specialisti Pirolli shpjegoi se fillimisht ishte paraqitur vetëm një certifikatë me numra, pa inicialet përkatëse të shasisë.
Më pas, shefi i sektorit Bardhosh Toma sqaroi se duke u mbështetur në atë dokumentacion, rasti ishte raportuar si problematik dhe ishte sinjalizuar.
Megjithatë, kur u paraqitën dokumentet origjinale me të dhëna të plota, numra dhe iniciale, ai premtoi se do ta përcillte rastin për rivlerësim në drejtorinë qendrore, duke e cilësuar si të pazakontë.
Ajo që kishte ndodhur ishte se dokumenti origjinal nuk ishte dorëzuar që në fillim nga shitësi, gjë që krijoi gjithë konfuzionin.
Pas ndërhyrjes së emisionit “Stop”, institucionet u angazhuan me ritëm të përshpejtuar. Policia dhe Prokuroria e Lezhës rishqyrtuan provat, ndërsa Drejtoria e Transportit bëri verifikimet përfundimtare.
Si rezultat, traktori u targua dhe u zhbllokua, ndërsa Marash Çubi, me targën në dorë, falënderoi publikisht emisionin për zgjidhjen e problemit të tij.
Pjesë nga bisedat:
1.Oficeri i Policisë Gjyqësore Selami Kalaj:
-Është kryer proçedura hetimore. Materiali është referuar në Prokurori, dhe vazhdon të jetë në Prokurori.
-Është Ismet Dervishi.
2.Prokurori Ismet Dervishi:
-Është regjistruar proçedimi, është duke u hetuar aktualisht dhe jemi në kushtet e vlerësimit, nëqoftëse jemi kopetentë nga pikëpamja tokësore, apo jo. Mjeti, në mos gaboj, ka hyrë nga Porti i Durrësit, kështu që në këto kushte, mund të mos jemi kompetentë nga pikëpamja tokësore, dhe duhet të disponojmë pastaj.
-Unë do ta verifikoj me prioritet.
3.Subjekti ARTOM SH.P.K:
-Po, po!
–Po!
-Ia kam kërkuar kompanisë në Japoni komplet dokumentacionin, siç është shasia origjinale.
-Origjinalen ia kam dhënë edhe në fillim! Nuk është se i kam dhënë fallso.
-Po!
-Po, prandaj po kërkoj…
-Prandaj po kërkoj të bëhet kontrolli fizik i shasisë, siç është fakti. E kupton? Këtë po kërkoj të bëj!
-Tani, atë e kam marrë…
-Dakord pra!
-Kontrolli fizik, për çfarë është? Ai të bëjë kontroll fizik të mjetit, siç është fakti!
-Jo!
4. Prokurori Ismet Dervishi:
-Më duhet ta verifikoj edhe një herë rastin! Nëqoftëse është kështu pastaj, do të shohim, se si do të disponojmë konform me ligjin. Ju faleminderit, që u interesuat juve dhe bëtë detyrën tuaj! Është në fazë hetimi, dhe do marrë sigurisht një përgjigjie shumë shpejt!
5.Qytetari Marash Cubi:
-Përshëndetje, Odeta! Përshëndetje, Stopi! Unë para një problem me një traktor, ju njoftova juve, ju erdhët menjëherë dhe brenda pak ditëve u zgjidh problemi. Arrita të marr edhe targën.
-Traktori është akoma i bllokuar.
-Ai mund të lirohet punë dy-tre ditësh. Prej jush shumë faleminderit! Ju dolët mbi të gjithë institucionet shtetërore, çfarë janë! Dolët Zot në tokë!
-Faleminderit! Urdhëro dhe mora dhe lejen e qarkullimit…!
-Pa dokumenta nuk e desha! Falenderimi është i “Stop”it, juve, Zot banja u marë. Mbarësi paçit tan’ jetën! Faleminderit!
5.Qytetari Marash Cubi:
-Përshëndetje, Odeta! Përshëndetje, Stopi! Unë para një problem me një traktor, ju njoftova juve, ju erdhët menjëherë dhe brenda pak ditëve u zgjidh problemi. Arrita të marr edhe targën.
-Traktori është akoma i bllokuar.
-Ai mund të lirohet punë dy-tre ditësh. Prej jush shumë faleminderit! Ju dolët mbi të gjithë institucionet shtetërore, çfarë janë! Dolët Zot në tokë!
-Faleminderit! Urdhëro dhe mora dhe lejen e qarkullimit…! /Emisioni STOP
