Një 23-vjeçar është arrestuar në Shkodër, pasi dyshohet si pjesë e një rrjeti të shpërndarjes së drogave të forta.
Arrestimi u bë orët e vona të mbrëmjes së djeshme, në zonën e “Urës së Mesit”, ndërsa janë sekuestruar një sasi dozash kokaine gati për shitje dhe hashash, kurse nga kontrolli i banesës edhe dy armë zjarri, mes të cilave një “Kallashnikov”, si dhe një thikë.
I ndaluari është A.M., 23 vjeç, banues në fshatin Hot i Ri.
Njoftimi:
“Shërbimet e Forcës së Posaçme “Shqiponja”, organizuan dhe finalizuan operacionin policor të koduar “Ura”, si rezultat i të cilit u arrestua shtetasi:
-A. M., 23 vjeç, banues në fshatin Hot i Ri. Ky shtetas u kap në flagrancë nga shërbimet e Policisë, gjatë natës, te ura e Mesit, me doza Kokaine dhe Kanabisi, gati për shitje.
Në vijim, gjatë kontrollit në banesën e këtij shtetasi, u gjetën 1 armë zjarri kallashnikov, një pushkë pneumatike dhe një armë e ftohtë (thikë). Vijojnë hetimet për dokumentimin e veprimtarive kriminale të këtij shtetasi. Materialet procedurale iu referuan Prokurorisë, për hetime të mëtejshme”.
