Sekretari i Përgjithshëm i PD-së, Flamur Noka ka reaguar në lidhje me largimin e dy këshilltarëve nga grupi i PD të Bashkisë Durrës.
Në një postim në rrjete sociale, Noka ka hedhur poshtë pretendimet se dy këshilltarët janë larguar nga PD për shkak se i janë bashkuar grupit të Salianjit.
Sipas Nokës, Arlind Boshku dhe Dritan Burgija janë larguar nga radhët e PD-së, pasi kanë punuar për Partinë Socialiste.
“Lidhur me dezinformimin e mediave të qeverisë për motivin e vendimit për largimin e dy këshilltarëve nga grupi i këshilltarëve të PD të Bashkisë Durrës sqarojmë sa vijon:
Dy këshilltarët e grupit të PD në Bashkinë Durrës janë larguar nga grupi i këshilltarëve dhe nga strukturat e PD lokale me kërkesë të degës PD, Durrës e cila ka depozituar këtë kërkesë kohë më parë.
Arlind Boshku është vërtetuar se ka punuar për Partine Socialiste në zgjedhjet e 11 Majit 2025.
Kurse Dritan Burgija ka shfrytëzuar pozicionin e këshilltarit të PD për përfitime personale nga Bashkia dhe po sipas relacionit te degës PD, Durrës ka punuar për PS.
Çdo interpretim tjetër është trillim”,- shkruan Noka në fb.
LEXO EDHE:
Iu bashkuan Salianjit, PD përjashton dy këshilltarët bashkiakë në Durrës
