Ministri i Mbrojtjes i Izraelit, Israel Katz, paralajmëroi se intensiteti i sulmeve të ndërmarra nga Izraeli dhe SHBA ndaj Iran do të rritet ndjeshëm në ditët në vijim.
Sipas një deklarate zyrtare, duke filluar nga dita e diel, “intensiteti i sulmeve të kryera nga forcat izraelite dhe ushtria amerikane kundër regjimit iranian dhe infrastrukturës në të cilën ai mbështetet do të rritet ndjeshëm”, tha Katz.
Ai theksoi se fushata ushtarake po zhvillohet nën drejtimin e presidentit amerikan Donald Trump dhe kryeministrit izraelit Benjamin Netanyahu.
“Fushata do të vazhdojë. Ne nuk do të ndalemi derisa të arrihen të gjitha objektivat e luftës”, shtoi ministri izraelit i Mbrojtjes, duke sinjalizuar një përshkallëzim të mëtejshëm të situatës në rajon.
