Në Pikën e Kalimit Kufitar Muriqan “Border Crossing”, janë zbuluar dy raste shkeljesh, që lidhen me drogë dhe para të padeklaruara.
Në rastin e parë, dy persona nga Tirana, 42 dhe 32 vjeç, u arrestuan pasi në automjetin e tyre u gjetën të fshehura 8 qese me rreth 4.2 kilogramë kanabis.
Në pranga kanë rënë Altin Shehu dhe Elvir Karoshi.
Dyshohet se lënda narkotike ishte siguruar në Gjermani.
Në rastin tjetër, një shtetas polak 49 vjeç u kap në hyrje të Shqipërisë me 38 mijë euro që nuk i kishte deklaruar.
Gjatë kontrollit fizik iu gjetën 30 mijë euro, ndërsa 8 mijë të tjera në çantën e dorës. Për këtë rast ka nisur procedim penal në gjendje të lirë.
