Detaje të reja kanë dalë në dritë, lidhur me shpërthimin me tritol të ndodhur në orët e para të mëngjesit të sotëm në Lezhë, ku u hodh në erë automjeti i një efektivi policie.
Sipas raportimeve, pista kryesore e hetimit lidhet me detyrën e tij dhe angazhimin në sektorin e krimeve.
Automjeti i përkiste efektivit Gentian Gjeta, agjent në sektorin e krimeve në Drejtorinë Vendore të Policisë Lezhë. Nga të dhënat paraprake mësohet se një sasi lënde plasëse është vendosur në pjesën e përparme të mjetit.
Dyshohet se autorët kanë qenë dy persona të maskuar që lëviznin me motor. Ata kanë vendosur tritolin pranë automjetit dhe më pas janë larguar me shpejtësi nga vendngjarja në drejtim të paditur.
Si pasojë e shpërthimit janë shkaktuar vetëm dëme materiale në automjet, ndërsa fatmirësisht nuk kishte persona të lënduar.
“Rreth orës 05:55, në Lezhë, dyshohet se është vendosur lëndë plasëse në një automjet të parkuar, tip “Volkswagen Golf”, në pronësi të shtetasit 41 vjeç, punonjës policie në DVP Lezhë. Nga shpërthimi janë shkaktuar vetëm dëme materiale.
Në vendngjarje kanë shkuar menjëherë shërbimet e Policisë, të cilat vijojnë kontrollet në zonë për kapjen e autorit/ve.”– njoftoi sot policia.
LEXO EDHE:
Shpërthimi me tritol në makinën e efektivit në Lezhë, policia del me njoftim zyrtar
