Teksa jashtë Kuvendit po zhvillohet një protestë e organizuar nga opozita, brenda sallës parlamentare po shqyrtohet kërkesa për dhënien ose jo të autorizimit për arrestimin e deputetes Belinda Balluku.
Gjatë seancës, deputetët e opozitës kanë reaguar duke vendosur pankarta mbi tavolinat e tyre.
Në këto pankarta shfaqen foto të kryeministrit Edi Rama dhe të Belinda Ballukut, të shoqëruara me mbishkrime si “Dorëheqje!”, “Qeveri Teknike” dhe “Wanted”.
Të njëjtat parulla janë shfaqur edhe nga protestuesit jashtë godinës së Kuvendit, ku po mbahet protesta e opozitës.
Ndërkohë, në raportin e saj, Partia Socialiste ka paraqitur përfundimin se nuk do të japë autorizimin për arrestimin e deputetes Belinda Balluku.
