Monika Kryemadhi është paraqitur në SPAK në zbatim të masës detyrim paraqitje. Para hyrjes në ndërtesën e Prokurorisë së Posaçme, Kryemadhi ka shkëmbyer batuta me gazetarët.
“Si është sot? Gjyqi im, imuniteti i Belindës, protesta e opozitës, iftari i kryeministrit dhe filmi im. Unë e kam fiksuar datën e para, të gjithë këta të tjerët pas meje. S’të lënë rehat! Super kopjaca!” deklaroi Kryemadhi.
Në të njëjtin proces gjyqësor me Ilir Metën, ish‑bashkëshortja e tij, Monika Kryemadhi po hetohet gjithashtu nga SPAK për korrupsion, pastrim parash dhe mosdeklarim të pasurisë. Ajo është lënë me masë sigurie “detyrim paraqitjeje”.
