Juristi Franc Nuri, ka komentuar mbledhjen e Grupit Parlamentar Socialist, në të cilin u diskutua mbi heqjen e imunitetit të Belinda Ballukut, me kërkesë të SPAK dhe dhënien e autorizimit për arrestimin e saj.
I ftuar në emisionin Opinion, Nuri ka deklaruar se socialistët sipas tij kanë shkelur ligjin. Ai thotë se PS në 45 minuta mbledhje ka bërë rolin e gjykatës, duke vlerësuar provat, gjë e cila sipas tij është në kundërshtim me Komisionin e Venecias.
Sipas Nurit, Kuvendi po shkel kompetencat e gjyqësorit, pasi nuk e caktojnë deputetët nëse masa ndaj Ballukut është e ligjshme apo e paligjshme, ndërsa ka shtuar se po ashtu ky veprim është shkelje e hapur me Integrimin Europian.
“Nga ana juridike. Dyshova nga fillimi deri në fund deklaratën e zotit Manja. Në fillim tha nuk jemi gjykatë, ndërkohë 45 minuta u bë roli i gjykatës. Kemi tejkalim të kompetencavë të Kuvendit. Pra Kuvendi po shkel kompetencat e gjyqësorit. Masën nuk e vlerësojnë deputetët nëse është e ligjshme apo e paligjshme. Grupi socialit ka bërë të kundërtën e asaj që ka thënë Komisioni i Venecias mbi heqjen e imunitetit. Pse bëjnë rolin e gjykatës. Është gjykata ajo që çon provat. 45 minuta është bërë vlerësim provash, gjë që nuk lejohet. Jemi në shkelje të hapur edhe me integrimin Europian. Standard tjetër për opozitën standard tjetër me qeverinë”,- është shprehur Nuri ndër të tjera.
