Kryeministri Edi Rama, në daljen e tij publike lidhur me çështjen “Balluku”, ka renditur disa nga projektet infrastrukturore të qeverisë.
Megjithëse shumë prej tyre janë rrugë të shembura, segmente të lëna përgjysmë apo projekte të mbushura me probleme financiare e teknike, kjo nuk e ndaloi Ramën të mburrej madje duke i quajtur histori suksesi.
Në listën e tij, Rama përmendi Orikum-Dukat, tunelin e Llogarasë, Korçë-Ersekë, Qukës-Qafë Plloçë, Rrugën e Arbrit dhe Thumanë-Kashar.
“Këto vepra janë kryer në këto 6 vite. Siç u krye Orikum-Dukati, apo tuneli i Llagarasë, siç flitet në oturakët e Qimbellinjëve. Korçe-Erseka, tjetër vlerë e madhe e shtuar. Qukës-Qafë Plloçë një gropë që na ngeli nga derdimeni me dy gishta.
E bëmë fytyrën shollë me kreditorët, që të na mbështesin. Ka përfunduar dhe ajo. Mailq-Llozhani, për të vazhduar me Rrugën e Arbrit dhe Thumanë-Kashar.
Ministrja e Infrastrukturës u bë sebep si duke qëruar oriz, jo shpronësimet, jo përroi, jo lavazhi, jo dreqi me leje, jo ky me legalizim, një tjetër me proces legalizim, jo dreqërit dhe të bijtë që nxisnin ato protesta me bllokime.
Bam bariu e bam i biri dhe ham Balliu dhe i biri, deri sa u bë Unaza e Madhe. Doli dhe rruga e Kombit me peripecitë e saj. Dua t’u ftoj të gjithëve ju që na keni besuar, dhe këdo tjetër që nuk ka frikë, që ta provojë dhe ta marrë me mend, dhe t’ia heqin këto arterie vendit. Të shkojnë nga rruga e vjetër për Dibër. Kur thojë për Peshkopi, nuk ishte ende në Burrel.
Të shkojë për Vlorë i bie nga Radhima. Apo për Sarandë, dhe ecje mbi ato rrotullime. Të provojnë dhe një herë Ersekën nga rruga e mëparshme, që dikur një shoku ynë u thoshte andej; si e votoni ju PS-në. Ju kujtohet ai shoku juve?! Në udhëtim i shpejt në kohë për ta pranuar pa asnjë gajle vlerën e punës kolosale. Kollaj të thuash pse si bëni hekurudhat. Po si nuk keni punë? Po të lindësh hekurudhën nga hiçi nga Liri demokraci, duhet përpjekje e madhe.”, tha Rama.
