Kreu i Lëvizjes “Shqipëria Bëhet”, Adriatik Lapaj, ka komentuar zhvillimet e fundit mes politikës dhe drejtësisë në vend, duke u ndalur te çështja e Belinda Balluku, për të cilën SPAK ka kërkuar arrestimin.
I ftuar në News24, Lapaj u shpreh se qëndrimi i Edi Ramës ndaj Ballukut është sipas tij, ndryshe nga rastet e tjera kur zyrtarë të Partisë Socialiste janë përballur me drejtësinë.
Sipas tij, Rama po mbron publikisht Ballukun në një mënyrë që nuk është parë më parë pasi është dhe vetë i përfshirë në afera.
“Rama është kthyer në studio ligjore ndaj Ballukut. Ai nuk ka mbajtur këtë qëndrim me personazhe të tjera në PS që kanë pasur probleme me drejtësinë. Këtë herë ai është i përfshirë vetë. Në këtë rast besoj se është i lidhur vetë, nuk ka logjikë tjetër”, deklaroi Lapaj.
