Një operacion i Karabinierëve në Calcinato në Itali, çoi në arrestimin e një 48-vjeçari shqiptar, për akuzën e trafikut të kokainës.
I dyshuari ishte i njohur tashmë për forcat e rendit, për shkak të precedentëve penalë, të cilit iu gjet kokainë, kanabis dhe municione. Sipas hetimeve, shqiptari dyshohet se kryente aktivitetin ilegal pasi përfundonte punën e tij.
Shqiptari ishte ndjekur për njëfarë kohe nga policia, e cila vendosi të kryente një kontroll të synuar në shtëpinë e tij.
Gjatë kontrollit, ata gjetën afërsisht 100 gramë kokainë, pesë gramë hashash dhe municione të ndryshme: dhjetë fishekë kalibri .22 dhe njëzet e gjashtë fishekë kalibri .9. Zbulimi konfirmoi frikën e hetuesve, të cilët kishin vërejtur prej kohësh aktivitet të dyshimtë rreth burrit dhe banesës së tij.
Pas arrestimit, shtetasi shqiptar u paraqit para një gjyqtari, i cili urdhëroi që ai të lihej në arrest shtëpiak të shtunën në mëngjes.
Ai do të lejohet të dalë nga shtëpia vetëm për të shkuar në punë. Seanca e radhës në gjyqin e tij është caktuar për 8 prill.
