Sekretariati i Etikës ka marrë vendimin për përjashtimin me 20 ditë të kreut të Partisë Mundësia, Agron Shehaj.
Ishte Partia Socialiste ajo e cila kishte kërkuar përjashtimin e Agron Shehajt për 20 ditë nga punimet e Kuvendit me argumentin se ka përdorur gjuhë fyese gjatë seancës plenare të ditës së hënë, (2 mars 2026).
Sipas tyre, Shehaj ka penguar zhvillimin normal të seancës.
“Pas mbarimit të afatit 2-minutësh, deputeti Agron Shehaj nuk u largua nga foltorja, duke e penguar zhvillimin normal të seancës dhe duke vepruar në kundërshtim me Rregulloren e Kuvendit”, thuhet në shkresë.
Ndërkohë ditën e sotme Etika ka pranuar kërkesën e PS-së dhe ka përjashtuar Shehajn me 20 ditë nga Parlamenti.
